Bome
"… Hulle sal genoem word: Bome van Redding.
Die Here het hulle geplant om sy roem te vermeerder."
Jesaja 61:1-3
Blombos Uitgewers bied Afrikaanse leesstof vir die vroeë ontwikkelingsfases. Kweek 'n liefde vir lees en skep 'n omgewing waar hierdie liefde kan groei!
By Blombos fokus ons daarop om eenvoudige lewenswaardes in die Bybel raak te sien en toe te pas. Opbouende teks en Bybel-gebasseerde boodskappe vul ons met hoop.
Hoe heilsaam is dit as die jongspan hulself heelhartig in 'n opbouende storie kan inleef. Blombos deel graag in die vryheid en kinderlikheid wat Jesus vir ons bring!
Blombos Uitgewers stel Christelike Afrikaanse leesstof aan uitgesoekte instansies beskikbaar. Vind uit hoe om van ons leesprogramme te bekom of om verdere bestellings te plaas.
’n Gebedsboekie wat die evangelie van Jesus Christus in eenvoudige taal uitbeeld. Geskik vir laerskoolkinders wat reeds goed lees.
Rympies en prentjies vir kosbare klein mensies oor diere en hulle maniere, en oor die Here wat alles gemaak het.
Blombos Uitgewers publiseer Afrikaanse kinderboeke wat as christelik en opvoedkundig geklassifiseer kan word. Ons roeping om te publiseer kom uit Ps. 68:11 (AMPC-vertaling) "The Lord gives the word [of power]; the women who bear and publish [the news] are a great host."
Die naam Blombos is afgelei van Blombush (metalasia muricata) - ’n fynbosblom eie aan die Kaap. Blombos Uitgewers het haar naam ontvang tydens ’n besoek aan Heaven's View, McGregor, waar hierdie blommetjie kiertsregop vanuit ’n rots op die kruin van die berg gegroei het. Dit ruik soos heuning, is gehard en kan wind weerstaan. Dit is een van die eerste plante wat na ’n veldbrand kop uitsteek om aan ander plantjies beskutting te verleen. Tuinboukundiges plant dit in sanderige tuine omdat dit ’n heining vorm waarbinne ander plante kan groei.
Blombos Uitgewers se hartklop is gebed. Ons boeke kom nie in ’n koninklike gewaad nie, maar wel in die gedaante van ’n kneg. Ons arbei in die oesland vanuit ’n diepe dankbaarheid en met die grootste vreugde.
Brawie Beer se lewe is nie aldag maklik nie, tog het hy ‘n lied in sy hart. Sy tweelingbroer, Brom, vind fout met alles wat hy doen en beproef sy geduld. Daarby staar hy ‘n moeilike situasie by die werk in die gesig.
Sal hy dit waag om Meneer Roos, die eienaar van die visdepot, met sy lewe te vertrou? En is dit regtig moontlik om die kwaad met die goeie te oorwin? ‘n Kosbare verhaaltjie oor bere en brille, en die liefde wat blindes laat sien.
BLOMBOSSIE en BOETIE is ‘n dagstukkie-reeks / geskenkboekie en is gemik op kinders tussen die ouderdomme 5 – 9 jaar.
Blombossie en Boetie is ’n glans geskenkboekie wat kreatiewe denke stimuleer en ouer-kind gespreksmomente skep. Dit bevat rympies wat die leser blootstel aan ons pragtige Afrikaanse taalskat. Elke versie word vergesel deur ’n allerfraaie handgetekende illustrasie.
’n Storiereeks wat afspeel op ’n plaas en die leser aanmoedig om in die alledaagse handel en wandel leermomente raak te sien. Geskik vir die grondslagfase en kan gebruik word as luister-, lees-, begrip-, spel-, verryking- en toepassingsoefening.
Die leerder / leser word deur Brinkie se wedervaringe genoop om in die alledaagse handel en wandel leermomente raak te sien. Die kind se woordeskat word uitgebrei en goeie taalgebruik word aangemoedig. Die Skrif vorm die sentrale tema van elke storie.
Kopiereg © 2018-2022 - Alle Regte Voorbehou - Blombos Uitgewers